SAALAH SANAAG




Nafyahay Qool Lagu Ritee

U Qoob Xidhan Ruux Ka Tagay

Quraaradu Way Jabtee

Miyeey Qiiradu Kabtaa


Qalbigii Kali Kugu Ahaa

Haduu Qufulkiisi Lumay

Nasiibku Kumaanu Qadin

Gayaankuna Muu Qudh Bixin


Dareenka Qandheeysanoow

Qof Nooloo Aanan Dhiman

Qubuuraha Ruux Ku Daray

Qaraabeeysiga Kadaa

Ka Qayd Furo Ruux Ku Naxay


Qacdeey Ku Arkaan Indhihi

Ilmada Kuu Qubi Jiree

Kashaada Qaboojin Jiray

Qadaadkuu Jeediyee


Aayaamaha Qaaligaa

Xusuusaha Qiimo Jabay

Ka Daa Qooraansigoo

Nafteeydaay Quusta Baro